Lunghlu

Ezra chu a lan dan mai ah chuan tlangval nawi ve tak, hot ve satliah tak a ni a. A nu leh pa, a u te nen chhungkaw changkang tawk tak an ni a. He tlangval hi a nung tha a. A virvat a that bak a, a friendly hle. A lan dan mai ah chuan Ruihhlo leh khawvel lamah a nghal ve khat hle tih a thian kawm leh a khawsak dan ah a hriat! A û erawh chu zahawm, kohhran leh khawtlanga pawh tangkai tak a ni. A nau zia hi a milloh leh ei loh zawng tak ala ni zui. Nula pakhat chuan a naupan/tleirawl lai atanga harsatna lian tak a pahrawn lak atangin a tawk thin. Harsatna in a ur thlu a, nula puitling anih a, hna te a neih hnu chuan an In ah a awm thei tawh lo. A nu hian a dinhmun hi a hre tho, a pahrawn leh a hausakna hi a kalsan thei lo a ni ber. A fanu hian In hrang luahin a chhuah san. He nula beidawng leh nun mumallo tak hian tlangval tangrang ve tak Ezra hi a tawng tlat! An in hrechianga an inkawm nél zel a. Hepa hi a rin ang, a lan dan ang mai mai a lo ni tlat lo. A rilru hneh thei khawp zûn a nei roh tlat! Nula leh tlangval inkawp ta chu engemaw a awmlo thei ta lo. Induh ru tak si hian a vawrtawp thu erawh an la in hrilh lo, Ezra rilru erawh hai theih a ni lo. Nula pawh hian hrilh hriat ve a duh ta!! Mahse, a mipa hi a accident in a boral thut mai! He nula beidawnna hi a thuah hnih ta hle! Engtinnge hringnun a hmachhawn zui a. A tlangval hmangaih awm tawh lo mahse a tân hian engemaw a tih a la ngai tlat bawk!